【几忙都要求婚】李天翔拎99支玫瑰跪地送戒指 富女友感动眼湿湿
本文转自网络 不代表本号观点
该新闻包含视频,即将在公众号tvbvideo推送,敬请关注!!
被大台定型做「御用强姦犯」兼认字特警嘅李天翔,早前被《苹果》率先踢爆入纸同拍拖6年嘅圈外女友谭宝怡(BoBo)结婚(相关新闻﹕http://bit.ly/2g3epxJ)。
原来天翔一直未同未婚妻求婚,最近忙拍剧集《果栏中的江湖大嫂》,噚日专登向剧组请假,抽空搞咗个惊喜求婚派对,、陈少邦、黄嘉乐等都有出席。李天翔拎住99支玫瑰花跪地求婚,佢同未婚妻都感动到眼湿湿。
天翔今日接受传媒访问时,坦言筹备得好仓卒,佢话:「因为最近日日都要开工好忙,但又好想做呢样嘢,真系要同公司度期做求婚仪式。咁我都专登book咗个场地,约理我同佢嘅一啲好朋友,一齐见证呢个时刻,太太一路都唔知,系夹埋大家俾惊喜佢。」
有指李天翔女友系位富家女,平时有投资房地产,试过转卖凯旋门一次便赚过千万,问到结婚会唔会大搞?天翔话:「之前讲过会低调,唔会摆酒。」
李天翔专登book场求婚,俾未婚妻一个惊喜。
「认字特警」都算系李天翔嘅代表作之一。(电视截图)
叶凯茵都有出席求婚派对。(ig截图)
---------------------------------
ST21-25已更新:关注订阅号tvbdrama,回复剧名
(长按下图识别二维码即可轻松关注)