有“海豚公主”之称嘅张靓颖早前被爆同老公冯轲传出婚变，兼被爆同年轻佢5年嘅“小鲜肉”挞着，佢哋仲被影到甜蜜拖手去睇戏添。事件爆出后，张靓颖同冯轲都冇对此回应，今日张靓颖就喺社交网上载一张右手搽上红色指甲油嘅相，但亮点就系佢冇戴上婚戒，仲留言贴上一个猪仔符号，随即引起网民无限幻想。好多网民都留言猜测张靓颖系咪暗示“分讯”？但系有网民就话可能佢只系想晒指甲只新颜色咋！
