系云浮,呢D零食你可能未听过!唔信?拿呢条微信去问下妈妈!

出生係新时代嘅你，玩住iPad、打住PSP，食住进口零食，日子可谓无忧无虑。不过，你知唔知，係妈妈果个年代，係吃呢D零食过日子噶~

讲出嚟你都可能未听过

唔信？去问下妈妈啦~

▼

又叫咸湿嘢，实际上係指一D凉果。一般指：话梅、嘉应子、飞机榄、陈皮梅等零食。如果你有小小印象，咁你记忆中嘅口立湿，应该都係用玻璃樽装住，然后一盎盎摆係街边卖，多数都係老人家係度睇档。

可能你一早已经唔记得，但妈妈呢句金句你一定听过：“你兜友仔，成日吃埋晒D咸湿嘢，大个咗之后咸咸湿湿。”

哈哈，醒起未？

咸酸係广东嘅一种街头小食。以咸酸口味为主，原材料係萝卜、青瓜、李子、荞头等等，配以糖精、米醋腌浸而成，食起身甜酸爽口，风味独特。有红、黄、绿、白各种颜色，五色缤纷~

仲记得细细个果阵，成日会见到D老人係小街小巷度挑住担行，身后会跟住一班细路。老师傅将米放入随身带嘅圆铁球中，再用一个超级油腻陈旧嘅布袋将铁球罩起，然后“呯”一声，“肥仔米”就大功告成啦！

via.x晓子

肥仔米，其实就相当于而家嘅爆谷，一种80、90后至今都会怀念嘅小食。如今已经成为电影院、K房、咖啡厅等娱乐场所嘅常备小吃。

五毫纸转一次12生肖，转到边个画边个，每次师傅画糖嘅时候，都有好多学生仔围观。唔单止好食，仲好睇~到而家依然佩服师傅嘅手艺，可惜街边基本见唔到了。

啄啄糖係广东嘅一种传统糖果。每次买嘅时候，老板都会从锌盆入面凿碎旧糖，发出“叮叮当当”嘅声音，所以又被人叫“叮叮糖”。

嘿嘿，一种可以吹响嘅口哨糖，细路哥超级钟意拿嚟吹BiBi。细个果阵会係落课嘅路上一边吃一边吹，超级拉风！

而家谂翻起，旧时商家嘅脑洞真係非常清奇，除咗戒指糖，仲有唇膏糖，我真係唔係回忆，细个果时我係点将佢食入嘴嘅……

其实就係石头糖，细个嘅时候非常珍贵嘅回忆。而家嘅你，仲记唔记得果个话“食粒石仔先”嘅同位？

讲到麦芽糖，你会唔会觉得非常亲切？毕竟麦芽糖係每个云浮人都食过嘅童年小零食啊！但係恐怕迟出生嘅你，净係食过超市卖嘅麦芽糖了。爸爸妈妈嘅年代，吃嘅全部都係原汁原味嘅街边手工麦芽糖~

细个果阵，係街边望住老板将筷子插进麦芽糖度，一翻一挑，琥珀色嘅麦芽糖就痴住筷子，卷成一个圆圆嘅糖波，一啖食晒！入口绵，清甜又唔腻，正到痹！

哎呀，我一唔小心就暴露咗小编嘅年龄添呢篇真係一篇好阔怕嘅文章。呢D零食，你係咪都认得呢？唔识嘅话就去问下妈妈，一齐揾翻佢嘅童年回忆~

如果你听过一半以上，我谂你係时候要成家立室了。毕竟，身边嘅朋友连bb都有了~